ინგა გურგენიძემ იუნიორთა შორის მსოფლიო ჩემპიონატზე გამოსვლა მეექვსე ადგილზე დაასრულა

ესტონეთის დედაქალაქ ტალინში დასრულდა მსოფლიო ჩემპიონატი ფიგურულ ციგურაობაში იუნიორთა შორის. შეჯიბრების ბოლო დღეს გოგონათა შორის თავისუფალი პროგრამით საქართველოს ნაკრების წევრი ინგა გურგენიძე გამოვიდა.

გურგენიძე მოკლე პროგრამის შემდეგ 64.28 ქულით მეხუთე ადგილზე იყო, თავისუფალ პროგრამაში 118.32 ქულა დაიმსახურა, ორი პროგრამის ჯამში კი 182.60 ქულა დააგროვა და საბოლოოდ მსოფლიო ჩემპიონატზე გამოსვლა მეექვსე ადგილზე დაასრულა.