აშშ-ის მოქალაქეობისა და იმიგრაციის სამსახურმა (USCIS) 2027 წლისთვის H-1B სამუშაო ვიზის პროგრამის რეგისტრაცია ოფიციალურად გახსნა.
აშშ-ში მაღალკვალიფიციური უცხოელი სპეციალისტებისთვის განკუთვნილი H-1B სამუშაო ვიზის პროგრამის რეგისტრაცია 4 მარტს დაიწყო და 19 მარტამდე გაგრძელდება.
პროგრამა საშუალებას აძლევს ამერიკულ კომპანიებს უცხოელი სპეციალისტები ტექნოლოგიის, მეცნიერებისა და სხვა პროფესიულ სფეროებში დაასაქმონ. 
ახალი წესის მიხედვით, ვიზების განაწილების სისტემა ნაწილობრივ შეიცვლება და მეტი პრიორიტეტი მიენიჭება მაღალკვალიფიციურ და მაღალანაზღაურებად სამუშაო პოზიციებს. ხელისუფლების განცხადებით, ცვლილების მიზანი პროგრამის ეფექტიანობის გაზრდა და ამერიკული ეკონომიკისთვის საჭირო კადრების მოზიდვაა.
H-1B ვიზა ყოველწლიურად ათასობით უცხოელ სპეციალისტს აძლევს შესაძლებლობას იმუშაოს ამერიკაში, განსაკუთრებით ტექნოლოგიურ სექტორში, სადაც საერთაშორისო კადრებზე მოთხოვნა მაღალია.
წყარო: USCIS / Times of India
